ಮುಂಗಾರು ಆರಂಭಗೊಂಡಿದೆ. ಜನರು ತಮ್ಮ ಕೆಲಸ ಕಾರ್ಯಗಳಲ್ಲಿ ಮತ್ತೆ ತಲ್ಲೀನರಾಗಿದ್ದಾರೆ. ಹಣ್ಣಿನ ರಾಜ ಮಾವಿನಂತೆಯೇ ಈ ಬಾರಿ ಬೇಸಿಗೆಯಲ್ಲಿ ಭಾರತದಲ್ಲಿ ಕಾರುಗಳಿಗೆ ಭರ್ಜರಿ ಬೇಡಿಕೆ ಉಂಟಾಗಿತ್ತು. ಹೀಗೆ ಕಳೆದ ಮೇ ತಿಂಗಳಲ್ಲಿ ಅತಿ ಹೆಚ್ಚು ಮಾರಾಟ ಕಂಡ ಟಾಪ್ 10 ಕಾರುಗಳ ಪಟ್ಟಿ ಇಲ್ಲಿವೆ.
ಈ ಪಟ್ಟಿಯಲ್ಲಿ ಎಂದಿನಂತೆ ಮಾರುತಿ ಸುಜುಕಿ, ಟಾಟಾ, ಹ್ಯುಂಡೇ ಹಾಗೂ ಮಹೀಂದ್ರಾ ಕಂಪನಿಯ ಕಾರುಗಳೂ ಇವೆ.
ಟಾಪ್ 3 ಸ್ಥಾನಗಳನ್ನು ಮಾರುತಿ ಹಾಗೂ ಟಾಟಾ ಹಂಚಿಕೊಂಡಿವೆ. ಸ್ವಿಫ್ಟ್ ಅತಿ ಹೆಚ್ಚು ಮಾರಾಟವಾದ ಕಾರುಗಳಲ್ಲಿ ಅಗ್ರಸ್ಥಾನದಲ್ಲಿದೆ. ನಂತರದ ಸ್ಥಾನದಲ್ಲಿ ಪಂಚ್ ಹಾಗೂ 3ನೇ ಸ್ಥಾನದಲ್ಲಿ ಡಿಝೈರ್ ಇದೆ. ಉಳಿದಂತೆ ಮಾರುತಿ ವ್ಯಾಗನ್‌ ಆರ್ 5ನೇ ಹಂತ, 6, 7, 9 ಹಾಗೂ 10ನೇ ಸ್ಥಾನವೂ ಮಾರುತಿಯ ಬ್ರೀಝಾ, ಎರ್ಟಿಗಾ, ಬಲೆನೊ ಹಾಗೂ ಫ್ರಾಂಕ್ಸ್‌ ಪಡೆದಿವೆ.
ಹ್ಯುಂಡೇ ಕ್ರೇಟಾ 4ನೇ ಸ್ಥಾನದಲ್ಲಿದ್ದರೆ, ಮಹೀಂದ್ರಾ ಸ್ಕಾರ್ಪಿಯೊ 8ನೇ ಸ್ಥಾನದಲ್ಲಿದೆ.
ಮೇ 2024ರಲ್ಲಿ ಹೆಚ್ಚು ಮಾರಾಟಾದ ಟಾಪ್ ಹತ್ತು ಕಾರುಗಳ ಪಟ್ಟಿ
- ಮಾರುತಿ ಸ್ವಿಫ್ಟ್– 19,393
- ಟಾಟಾ ಪಂಚ್– 18,949
- ಮಾರುತಿ ಡಿಝೈರ್– 16,061
- ಹ್ಯುಂಡೇ ಕ್ರೇಟಾ – 14,662
- ಮಾರುತಿ ವ್ಯಾಗನ್‌ ಆರ್ – 14,492
- ಮಾರುತಿ ಬ್ರೀಝಾ – 14,186
- ಮಾರುತಿ ಎರ್ಟಿಗಾ – 13,893
- ಮಹೀಂದ್ರಾ ಸ್ಕಾರ್ಪಿಯೊ – 13,717
- ಮಾರುತಿ ಬಲೆನೊ – 12,842
- ಮಾರುತಿ ಫ್ರಾಂಕ್ಸ್‌– 12,681
